သူဠေးဖြစ်နည်း

Wednesday, March 25, 2009

သန်းရွှေနဲ့ပတ်သက်တဲ့ပုံပြင်လေးတပုဒ် ဖေါက်သည်ချရဦးမယ်...
တနေ့သန်းရွှေဟာသူဇာတိချက်ကြွေမွေးရပ်မြေဖြစ်တဲ့..ကျောက်ဆည်ကိုရောက်သွားပါတယ်။အဲဒီမှာသူနဲ့ကစားဖေါ်သူငယ်ချင်းသုံးယောက်
ကိုသွားတွေ့သတဲ့..။သူတို့အားလုံးဟာ အတော်ကိုချို့ငဲ့ကြရှာတယ်။ဒီတော့သန်းရွှေလဲအတော်ကို စိတ်မကောင်းဖြစ်သွားရှာတယ်။ ဒီတော့သန်းရွှေက..သူငယ်ချင်းတို့..ငါကောင်းစားနေရက်နဲ့.မင်းတို့ဒီလိုဖြစ်ရတာ..စိတ်မကောင်းဖူးကွာ..ကဲငါကူညီမယ်.မင်းတို့လိုချင်
တာပြောကြကွာ..လို့ပြောသတဲ့။
ဒီလိုနဲ့တယောက်က."ငါ့ကိုကားပါမစ်ချပေးကွာ.."ဆိုတော့."အောင်မလေး..ဒါများရော့ကွာ"ဟုဆိုကာလက်မှတ်ထိုးပေးလိုက်သတဲ့..။
နောက်တယောက်ကတော့ သစ်ပါမစ်တောင်းသတဲ့..။ဒါကိုလည်းအေးအေးဆေးဆေးလက်မှတ်ထိုးပေးလိုက်တာပဲ..။
နောက်ဆုံးလူကျတော့ဘာတောင်းတယ်မှတ်သလဲ..."ဟေ့ကောင်ရာ..ငါကတော့သူတို့တောင်းတာမျိုးတွေမတောင်းချင်ပါဖူးကွာ.."
"ဒါဆိုမင်းကဘာတောင်းချင်တာလဲကွ..။အားမနာနဲ့ငါတ်နိုင်တုန်းလုပ်ပေးရတာ.."
"အေး..ဒါဆိုလည်းမင်းနဲ့တထေရာထဲတူတဲ့ ရုပ်ထုတခုပေးကွာ.."ဆိုပြီးတောင်းသတဲ့။..သိတဲ့အတိုင်းရုပ်ထုကိုလည်းပေးလိုက်သတဲ့။
ဒီလိုနဲ့လေးငါးနှစ်ကြာသွားတော့ သန်းရွှေဟာ သူ့သူငယ်ချင်းတွေဆီကိုထပ်သွားသတဲ့။ ထူးခြားတာက ကားပါမစ်ချပေးတဲ့သူရော၊သစ်
ပါမစ်ချပေးခဲ့တဲ့သူပါ ဒုံရင်းကဒုံရင်းပဲတွေ့ရသတဲ့။နောက်ဆုံးသူ့ပုံတူရုပ်ထုကိုပေးခဲ့တဲ့ သူငယ်ချင်းဆီလဲရောက်သွားရော သန်းရွှေကိုယ်
တိုင်အံ့အားသင့်သွားသတဲ့။ဘာဖြစ်လို့လဲဆိုတော့ သူကကျိကျိတက်ချမ်းသာနေလို့လေ။
သန်းရွှေလဲဝမ်းသာအားရပေါ့.."ဟာ.သူငယ်ချင်းရာ..မင်းကိုဒီလိုမျိုးတွေ့ရတာ ..၀မ်းသာတယ်ကွာ။ ဟိုနှစ်ကောင်ကတော့ ဒုံရင်း
ဟာဒုံရင်း..မင်းမြင်တဲ့အတိုင်းပဲ.." လို့ပြောပြီး "ဒါထက်မင်းဘယ်လိုလုပ်ပြီး ဒီလိုမျိုးဖြစ်လာတာလဲ..။မဟုတ်မှလွဲရော..ငါရုပ်ထု
ကြီးရှေ့မှာတနေ့ကိုသုံးခါလောက်ရှိခိုးလို့ပဲဖြစ်မှာပါ..။ငါ့စေတနာမေတ္တာကြောင့်ဒီလိုဖြစ်လာတာမဟုတ်လား.."ဆိုပြီးဂုဏ်ဝင့်ကြွားစွာနဲ့
မေးသတဲ့..(ဒီနေရာမှာစာဖတ်သူပရိတ်သတ်တို့ ဘယ်လိုအဖြေပေးမယ်ထင်သလဲ..ဘာ့ကြောင့်မို့ထင်သလဲ..အမှန်အတိုင်းကပဟေ
ဋ္ဌိထားမယ်လို့တော့..စိတ်ကူးထားပါတယ် ဒါပေမဲ့.မထားတော့ပါဖူး ..အဖြေကိုတန်းပေးရမှာပဲ..ကျေနပ်မယ်လို့ထင်ပါတယ်)။
ဒီတော့သူ့သူငယ်ချင်းက..အိမ်နောက်ဖေးက ဂိုဒေါင်လိုလို အဆောက်အဦဆီကိုခေါ်ပြီးပြသတဲ့။အဲဒီထဲမှာနံစော်နေသတဲ့..။
သန်းရွှေရဲ့သူငယ်ချင်းဖြစ်သူက-"တခြားတော့မဟုတ်ပါဖူးကွာ..။မင်းမြင်တဲ့အတိုင်းပဲ..မင်းရုပ်ထုကြီးကို..တံတွေးနဲ့ထွေးရင်ငါးကျပ်၊
ရှူးရှူးနဲ့ပန်းရင်တစ်ဆယ်၊ခြေထောက်နဲ့ကန်၊လက်သီးနဲ့ထိုးရင် ဘယ်လောက်နဲ့ ငါကလူတွေကိုဖိတ်လိုက်တာ..အဲဒီဝင်ကြေးတွေကြောင့် ငါဒီလိုချမ်းသာလာတာပဲမောင်ရေ.."။ဒီနေ့တောင်မင်းလာမယ်ဆိုလို့နား
ထားရတာ.."လို့ဖြေသတဲ့။
ပုံပြင်လေးကတော့ဒါပါပဲ..။ပြည်သူတွေက ဘယ်လောက်ချစ်ကြတယ်ဆိုတာ ခွင့်ပြုရဲရင် ခွင့်ပြုကြည့်ပါလား..။အဲဒီလိုလုပ်စားလိုက်
ရလို့ကတော့ ကမ္ဘာကျော်သူဌေးဘီ(လ်)ဂိတ်ထက်တောင် ချမ်းသာသွားဦးမယ်ဗျ..။
ကျေးဇူးပါခင်ဗျား..
(မောင်ဒိုင်း၏သရော်စာများ)

ဆင်းရဲနွမ်းပါးခြင်းဆိုသည်မှာ

အခြေအမြစ်မရှိသောလူများကို ကြိုးစားပြီးကူညီနေခြင်းသည် မည်သည့်အကျိုးမျှမရှိ၊အသိဥာဏ်ကင်းမဲ့ပြီးညစ်ပတ်စုတ်ပြတ်နေသူများသည် မြောက်မြားလှစွာသော
ကလေးများကို မွေးထုတ်ပေးနေကြသည်၊သူတို့သည်အလုပ်လည်းမလုပ်ကြ၊စည်းကမ်းလည်းမရှိကြပဲ သူတို့ထံတွင်မည်သည့်အတွေးခေါ်မှမရှိ၊သူတို့သည်ရနိုင်သမျှ
အခွင့်အရေးများကိုအလွဲသုံးစားပြုနေကြသည်။ထိုသူတို့လက်ထဲတွင် ငွေကြေးအနည်းငယ်ရှိရုံနှင့် သောက်စားခြင်းနှင့်အတူ အကျိုးမဲ့စွာသုံးဖြုန်းပစ်လိုက်ကြသည်။
သူတို့ကိုကူညီခြင်းသည် သူတို့ပျင်းရိမှုကိုအားပေးရာရောက်သည့်အပြင် နောက်ထပ်ကလေးများမွေးဖွားရန် အားပေးအားမြှေက်ပြုရာကျသည်........ဟုလွန်ခဲ့သော
နှစ်ပေါင်းတရာကျော်ခန့်ကနော်ဝေးနိုင်ငံတွင်သွားရောက်အလုပ်လုပ်ကိုင်သော အင်္ဂလိပ်စက်မှုလုပ်ငန်းရှင်တယောက်က ရေးသားဖေါ်ပြခဲ့သောအချက်ဖြစ်သည်။ထို
အချိန်ကနော်ဝေးနိုင်ငံသည် အလွန်ဆင်းရဲသော နိုင်ငံတနိုင်ငံဖြစ်သည်။သို့သော်လည်းယခုအချိန်တွင် နော်ဝေးနိုင်ငံသည် ကမ္ဘာ့အချမ်းသာဆုံးနိုင်ငံတနိုင်ငံဖြစ်
ဖြစ်နေပါပြီ၊အဖြေအနေတော်တော်များများ ပြောင်းလဲခဲ့ပြီဖြစ်သည်။ဆင်းရဲခြင်းဆိုသည်မှာအဘယ်နည်း၊ဆင်းရဲခြင်းရဲ့အရင်းအမြစ်ကားမည်သည့်အကြောင်းတရားများ
နည်း။ကျနော်တွှိုဆင်းရဲခြင်းရဲ့အရင်းအမြစ်ကို ပုံဖေါ်ကြပါစို့။
လူသားတယောက်အတွက် အသက်ရှင်ရပ်တည်နိုင်ရေးသည် သူရဲ့အခြေခံလိုအပ်ချက်ဖြစ်သည်။အခြေခံလိုအပ်ချက်ဆိုသည်မှာ သန့်ရှင်းလတ်ဆတ်သော လေ၊ရေ၊
စားဝတ်နေရေးဖူလှုံမှု၊ သက်တောင့်သက်သာရှိမှုနှင့် ခန္ဒာနှင့်စိတ်ပိုင်းဆိုင်ရာ လုံခြုံမှုတို့ပါဝင်သည်။လူတဦးတယောက်သည် တယောက်ထဲနေထိုင်မရသကဲ့သို့
သူနှင့်ဆက်နွယ်နေသောလူ့အသိုင်းအ၀ိုင်းကြီးတခုလုံးသည်လည်း ရှင်သန်ရပ်တည်နိုင်ဖို့လိုအပ်သည်။လူ့အသိုင်းအ၀ိုင်းထဲတွင် လူသားတရပ်လုံးသည် လူ့အဖွဲ့စည်း
ကြီးရှင်သန်ရပ်တည်နိုင်ရန် ကြိုးစားရမည်ဖြစ်သည်။အခြေခံလိုအပ်ချက်များဖြစ်သော လူသားတို့မျိုးဆက်ပြန့်ပွားမှု၊ဆက်သွယ်မှု၊ယဉ်ကျေးမှုဖွံ့ဖြိုးတိုးတက်ခြင်းအသိ
တရားများ၊ခေါင်းဆောင်ပိုင်းနှင့် ကျန်းမာရေးဆိုင်အသိတရားတို့အားလုံး တိုးတက်ရှင်သန်နိုင်ရန်လိုအပ်သည်။ဆင်းရဲခြင်းဆိုသည်မှာ တဦးတယောက်(သို့)လူအဖွဲ့စည်း
တခုလုံးအတွက် အခြေခံလိုအပ်ချက်များကို ပြီးပြည့်စုံအောင်ဖြည့်စွမ်းပေးနိုင်ခြင်းမရှိသည့်သဘောကိုဆောင်သည်။နှိုင်းယှဉ်ဆင်းရဲခြင်းသည် ဥသုံဆင်းရဲခြင်းနှင့်မတူ၊
နှိုင်းယှဉ်ဆင်းရဲခြင်းသည် အခြေခံလိုအပ်ချက်များအားလုံး မရှိခြင်းကိုဆောင်သည်။
ဖွံ့ဖြိုးရေးဝန်ထမ်းများသည် ဆင်းရဲသားများကိုကူညီထောက်ပံ့ရန် ပြင်ပအကူအညီများကို ကြိုးစားရှာဖွေကြသည်။၎င်းတို့ရည်ရွယ်ချက်မှာ လုံးဝဥသုံဆင်းရဲခြင်းကိုခံစားနေ
ရသောသူများ ဆက်လက်ရပ်တည်နိုင်ရန် လတ်တလောလိုအပ်ချက်များအတွက် ထောက်ပံ့ပေးနိုင်ရန်ဖြစ်သည်။နှိုင်းယှဉ်ဆင်းရဲခြင်းအတွက် ပြင်ပမှအကူအညီပေးနေခြင်း
များသည် လူတဦးချင်းအရည်အချင်းများကိုမြှင့်တင်ပေးခြင်းဖြင့်ထိုသူတို့လိုအပ်ချက်များကိုကိုယ်တိုင်ဖြည်ွှစွမ်းပေးနိုင်ရန်ဖြစ်သည်။(ဆက်လက်ဖေါ်ပြပါမည်)

Monday, March 16, 2009

မှန်ကန်တဲ့အယူအဆ အတွေးအခေါ်တွေပိုင်ဆိုင်ပြီး၊ကိုယ်ကျိုးကိုစွန့်လို့
အများအကျိုးကိုဆောင်ရွက်တတ်အောင်၊
ငြိမ်းချမ်းသာယာတဲ့ အနာဂတ်ရဲ့ဗိသုကာတွေဖြစ်လာအောင်
ပြုစုယုယမှုတွေ၊ဆုံးမပဲ့ပြင်မှုတွေ၊နည်းပေးလမ်းပြမှုကိုအရင်းပြုလို့...............
ရိုးသားမှု မျှတမှုတွေကို ခါးဝတ်ပုဆိုးကဲ့သို့ နှလုံးအိမ်မှာ စွဲထင်စိုပြေအောင်သွန်သင်ပေးခဲ့သော မိဖဆရာသမားများ၏ ဂုဏ်ကျေးဇူးတွေ
ကြောင့် ဘ၀မှာအမှန်တရားနဲ့ မျှတမှုတွေကိုနားလည်ခဲ့ရသလို ၊ချစ်ခင်ရင်းနှီးမှု အသိအမှတ်ပြုခံရမှုတွေနဲ့ကြီးပြင်းလာခဲ့ရတော့လည်း၊
လောကကြီးသည်နေလို့ကောင်းသောနေရာဟု သိမြင်ခဲ့ရတယ်။ရည်မှန်းချက်ထားခြင်း၏ကောင်းကွက်(သို့မဟုတ်)အိမ်မက်ရသလို ခံစား
တတ်ခဲ့ပါတယ်။
နှလုံးသားဆန္ဒတခု၏တောင်းဆိုမှုတွေကြောင့် စွဲလန်းမှုဖြစ်တည်လာရတာပါ။စွဲလန်းမှုသန္ဒေတည်ပြီး မျှော်လင့်ခြင်းတွေမွေးဖွားပေး
တယ်။အဲဒီမျှော်လင့်ခြင်းတွေနဲ့အနာဂတ်တခုကို ရူးမူးတမ်းတစွာ အိမ်မက်တွေမက်နေကြတယဆိုရင် ဒါဟာအဲဒီလူတွေရဲ့ဘ၀မှာအဓိ
ပါယ်ရှိတဲ့လူ့ဘ၀ကို တည်ဆောက်နေတာပဲလို့ဆိုချင်ပါတယ်။
လူတိုင်းလူတိုင်း အိမ်မက်တွေမက်ကြမှာပါ။ယေဘူယျအားဖြင့် စိတ်ကူးအိမ်မက်၊စွဲလန်းမှုအိမ်မက်ရယ်လို့ရှိကြတယ်ဆိုကြပါစို့၊စိတ်ကူးအိမ်မက်ကတော့ လေသလပ်မခံတဲ့အိမ်မက်မျိုး၊အိမ်မက်တိမ်
တိုက်တွေလို့ပြောလို့ရတယ်၊မကြာခဏပြောင်းပြောင်းလဲလွယ်တယ်၊မှန်တကယ်ဟုတ်မလိုနဲ့ထင်ယောင်ထင်မှားဖြစ်စေတယ်၊ဝေခွဲလို့
မမရတဲ့အဖြစ်အပျက်မျိုးလိုပါပဲ။စွဲလန်းအိမ်မက်ကအမြဲတမ်းစွဲစွဲလန်းလန်း၊တသသနဲ့ကျကျနနမက်ခြင်းမျိုးဖြစ်တယ်၊တည်ကြည်ခိုင်မာ
မှုတွေနဲ့အတူ ဦးတည်ချက်ပန်းတိုင်ရှိတယ်။ယုံကြည်ချက်ကိုလက်ကိုင်ပြုထားတဲ့အတွက်၊စေ့စပ်သေချာမှုတွေဝန်းရံနေတယ်။ပြတ်သားတဲ့
ဆုံးဖြတ်ချက်တွေနဲ့အနာဂတ်နံနက်ခင်းတွေကို တန်ဆာဆင်ပေးမဲ့အိမ်မက်မျိုးဖြစ်တယ်။
ကျနော်လဲမကြာခဏ အိမ်မက်မက်လေ့ရှိတပါတယ်၊ရောင်စုံအိမ်မက်တွေပဲဆိုပါတော့။မသေချာမရေရာတဲ့ အိမ်မက်ပေါင်းများစွာနဲ့ဘ၀
ခရီးကြမ်းကိုစမ်းတ၀ါးဝါးနဲ့ဖြတ်သန်းလာခဲ့ရတာပါ၊ဆန္ဒနဲ့ဆန်းကျင်ဖက်ဖြစ်တဲ့ အိမ်မက်တွေရဲ့နှောင့်ယှက်မှုကို ဖယ်ရှားပစ်ရင်းနောက်
ဆုံးမှာဘ၀အတွက်အကောင်းဆုံးပြုမူဆောင်ရွက်ကျင့်ကြံမယ်ဆိုတဲ့ ဆုံးဖြတ်ချက်တွေနဲ့အနာဂတ်ကိုဖန်တီးပေးမဲ့ အဖြူရောင်အိမ်မက်
တခုကိုရွေးချယ်နိုင်ခဲ့တယ်လေ။မေတ္တာကိုအခြေခံတဲ့ချစ်ခြင်းသည် ပူလောင်မှုကင်းသည်ဟု မှတ်သားဖူးပါတယ်၊ထို့အတူမေတ္တာကိုအ
ခြေခံ၊ဂရုဏာအုပ်မိုးလို့ အနာဂတ်ကိုထုဆစ်ကြမဲ့ ရင်သွေးငယ်တွေရဲ့ နှလုံးသားနုနုလေးတွေကို အလှဆင်ပေးသူအဖြစ် ခံယူချက်မြင့်
မြတ်မြဲမြံစွာနဲ့ဘ၀အိမ်မက်ရှည်ကြီးကို စတင်ခဲ့တယ်လေ။
ပန်းကမ္ဘာထဲကပန်းပျိုးခင်းထဲမှာ လန်းဆန်းနေတဲ့ အရိုင်းပန်းကလေးတွေ ရွှင်မြူးတက်ကြွနေတာကိုကြည့်ရင်း ရင်မှာဖြစ်တည်လာသော
ကြည်နူးမှုတွေက နေ့စဉ်နဲ့အမျှပါပဲ။ပွင့်လင်းရိုးသားပြီး မာယာကင်းမဲ့ကြတယ်။ဟန်ဆောင်မှုတွေမရှိကြဖူး။အပြစ်ကင်းစင်ကြတဲ့သူတို့ရဲ့
အရိုးခံစိတ်ထားလေးတွေကိုက ချစ်စရာပါ။စေတနာထားလို့ အကြင်နာစမ်းချောင်းကလေးတွေ သူတို့အပေါ်တထပ်ထပ်ရစ်ခွေဖြတ်သန်း
စီးဆင်းစေခဲ့တာလည်း မမောမပန်းနိုင်အောင်ပါပဲ။
ရိုးသားပြီးပညာထူးချွှန်သူ၊ အကျင့်စာရိတ္တကောင်းမွန်သူ အများအကျိုးငှါ၊ကိုယ်ကျိုးစွန့်သူ၊တာဝန်ကျေပြွန်သူ၊ထိုသူတို့ကိုချီးမွန်းရမည်
ဟူသော ပထမတန်းမြန်မာဖတ်စာထဲကလို သူတို့ကလေးတွေကိုဖြစ်စေချင်ခဲ့တယ်။ဖြစ်အောင်လည်းလေ့ကျင့်မျိုးထောင်ပေးနိုင်ခဲ့တယ်။
မှန်ကန်တဲ့အယူအဆ အတွေးအခေါ်တွေကိုပိုင်ဆိုင်ပြီး ကိုယ်ကျိုးစွန့်လို့အများအကျိုးကိုဆောင်ရွက်တတ်အောင်၊ငြိမ်းချမ်းသာယာတဲ့အ
နာဂတ်ရဲ့ဗိသုကာတွေဖြစ်လာအောင် ပြုစုယုယမှုတွေ၊ဆုံးမပဲ့ပြင်မှုတွေ၊နည်းပေးလမ်းပြမှုတွေကိုအရင်းပြုလို့ အိမ်မက်ရဲ့ကြည်နူးရိပ်
မှာခိုလှုံခွင့်ရခဲ့ပါတယ်။တကယ်တော့သူတို့လေးတွေဟာ ကျနော်အတွက်ရင်ငြိမ်းပန်းတွေဖြစ်ခဲ့သလို၊သူတို့လေးတွေကိုမြင်ရသူတိုင်းစိတ်
နှလုံးကို ချမ်းမြေ့စေခဲ့ပါတယ်။ကျနော်ပျိုးထောင်ထားတဲ့ပန်းကလေးတွေ ရောင်သွေးစုံလင်ဖူးပွင့်ကြပြီဆိုရင်ဖြင့်ဝါးမျိုမိခဲ့တဲ့ ပီတိတွေဟာ
လည်းစာတွေစီလို့ချပြီး မရေးတတ်အောင်ဖြစ်ခဲ့မိပါတယ်။
အိမ်မက်ဇာတ်ခုံပေါ်မှာ ကျနော်ပဲဇာတ်ဆရာ၊ကျနော်ပဲမင်းသား၊ပြီးတော့လူကြမ်းအဖြစ်နဲ့မေတ္တာဘွဲ့ကဇာတ်များကို ကပြခဲ့ရသလို ဘ၀နဲ့
အလှအော်ပရာမျိုးတွေကိုလည်း အမျိုးမျိုးကတင်ပြခဲ့ရပြီး အနု၊အကြမ်း၊အလွမ်းပေါင်းစုံနဲ့ သရုပ်ဖေါ်ခဲ့ရတယ်၊အနာဂတ်ပန်းချီကားတချပ်
ကို ဆေးချယ်သဖို့ကျိုးစားရင်း အချိန်ကာလဆိုတဲ့ရေစီးကြောင်းနဲ့အတူ လိုက်ပါမျောကာ ပြက္ခဒိန်ပေါင်းများစွာကို လက်ပြနှုဆက်ခဲ့ရတယ်၊
သက္ကရာဇ်တွေရဲ့တိုက်စားမှု၊ရွေ့လျားမှုတွေကြာလာတာနဲ့အမျှ တည်ငြိမ်ရင့်ကျက်မှုရဲ့သဘောတရားကို အနည်းငယ်နားလည်လာခဲ့ရသ
လို ရင်ငြိမ်းပန်းကလေးတွေအပေါ်ထားခဲ့တဲ့ကျနော်ရဲ့မေတ္တာအတိမ်အနက်ကို စွန်းလွှတ်အနစ်နာခံမှုနဲ့တိုင်းတာခဲ့မိပါတယ်၊ကျနော်အိမ်
မက်ထဲကငွေကြယ်ပွင့်သစ်တို့ အနာဂတ်မှာထွန်းလင်းတောက်ပြောင်ဖို့ရာ ဆယ်စုနှစ် နှစ်စုကျော်ခန့်အားဖြည့်ခွင့်ရပြီးနောက် သမိုင်း
ကြောင်းပြောင်းလဲမှုရဲ့ဆိုးမွေတွေကို ကြုံတွေ့ရင်ဆိုင်ခဲ့ရတယ်၊နိုင်ငံရေးလှိုင်းမုန်တိုင်းမုန်တိုင်းတခုရဲ့ တိုက်ခတ်ခြေဖျက်မှုကြောင့် ကျနော်
မြတ်နိးတွယ်တာခဲ့ရသော အိမ်မက်တံတားကြီးကျိုးပျက်ခဲ့ရတယ်။ခုံခုံမင်မင်ရွေးချယ်ခဲ့တဲ့ အိမ်မက်အနာဂတ်ပျက်သုန်းသွားသည်နှင့်အ
တူ ကျနော်နှလုံးသား အူအသဲတွေကို တစစီထုတ်ယူခံလိုက်ရသလို နင့်နင့်မောမောခံစားခဲ့ရပါတယ်။
မှန်သောစကားတွေကိုသာပြောတတ်ပြီး မှန်သောအလုပ်တွေကိုသာအားထုတ်တတ်အောင်လေ့ကျင့်ခဲ့သော ကျနော်၊စစ်မှန်သောနိုင်ငံရေး
အသိကိုရရှိခဲ့ပြီး အမှန်တရားဖက်ကရပ်တည်နိုင်ခဲ့တဲ့အတွက် ရလာဒ်ကတော့အကျဉ်းသားတွေစံမြန်းရာ ငရဲခန်းတွေဆီကို အကြိမ်ကြိမ်
အလီလီစံမြန်းခဲ့ရတယ်။ရိုင်းစိုင်းတဲ့ဆက်ဆံမှု ကြမ်းတမ်းတဲ့အထိအတွေ့ရဲ့နည်းအမျိုးမျိုးနဲ့နှိပ်စက်မှုအဖုံဖုံကို အလူးအလဲခံခဲ့ရတယ်၊အံ
ကြိတ်လို့တင်းခံခဲ့ရတဲ့ မမေ့နိုင်သောအမှတ်တရနေ့စွဲလေးတွေပဲပေါ့။
ခေတ်နောက်ပြန်ဆွဲပြီး ဆိုးဝါးတဲ့ပဒေသရာဇ်အာဏာရှင်စနစ်ဆိုးကို အသက်သွင်းဖို့ကြိုးစားနေတဲ့အာဏာရူးစစ်ဝါဒီတွေရဲ့ နိုင်ငံရေးအရ
အဖျားခတ်စွတ်စွဲမှုအောက်တွေမှာ ကျနော်အိမ်မက်နဲ့အနာဂတ်တွေဟာ မှုန်ရီဝိုးတ၀ါးဖြစ်ခဲ့ရတယ်၊မသဲကွုတဲ့အိမ်မက်ဆိုးတွေကို အဖေါ်
ပြုရင်းလမ်းပျောက်နေတဲ့ခရီးကြမ်းကို တွေဝေစိတ်နဲ့လျှောက်လှမ်းရသလို ခံစားမိခဲ့တယ်။လက်တဆုတ်စာလူတန်းစားတစုရဲ့ငါကောင်း
စားရေးဝါဒအောက်မှာ အဖိနှိပ်ခံဘ၀နဲ့ခေါင်းငုံ့ခံနေမဲ့အစား ဆုံးရှုံးနေတဲ့လူ့အခွင့်အရေးတွေ၊ လွတ်လပ်မှုတွေကိုပြန်လည်ရရှိအောင်အ
ကောင်အထည်ဖေါ်နိုင်ဖို့ကြိုးစားမယ်ဆိုတဲ့ဆင်ခြင်ထုံတရားနဲ့အာဏာယစ်မူးစစ်ဘီလူးတွေနဲ့ကင်းလွတ်ရာလွတ်မြောက်နယ်ကို ထွက်ခွာ
လာခဲ့တယ်လေ။
လင်းလက်တဲ့အသိတရားနဲ့ထပ်တူ အနာဂတ်ပုံရိပ်ကိုထင်ဟပ်စေမဲ့အိမ်မက်က ကျနော်အတွက်ခွန်အားတွေတိ်ုးပွားစေခဲ့တယ်။ဗေဒါပျံအံ
ကိုခဲ ပန်းပန်လျှက်ပဲဆိုတာမျိုးလို ဘ၀တဆစ်ချိုးမှာ ဆရာဇော်ဂျီရဲ့ဗေဒါဖြစ်ခဲ့ရပြန်တယ်။ဗေဒါလိုစံပြု ဗေဒါလိုခေါင်းမော့ဝင့်ကြွားစွာနဲ့ပြတ်
တောက်သွားတဲ့အိမ်မကခရီးရှည်ကို စတင်ခဲ့ချိန်မှာချစ်သူရဲ့ကျောခိုင်းမှုတွေကိုခံခဲ့ရပြန်တယ်။ပျော်ရွှင်စရာကောင်းတဲ့ ချစ်သူတို့ရဲ့ချိုမြိန်
သောအပြုံးတွေဆိတ်သုန်းခဲ့ရပြန်တယ်။ဗေဒါဘ၀နဲ့ဝေဒနာတပွေ့တပိုက်ကို မိတ်ဆွေပြုရင်းအိမ်မက်ကမ္ဘာသစ်ဆီကိုခြေဦးလှည့်ခဲ့ရပြန်
တယ်။
အခုတော့လွန်လာခဲ့တဲ့ ညစ်ထေးထေးအမဲရောင်ချစ်သူအတွက်ခံစားမှုတွေကိုကျနော်မေ့ပျောက်နိုင်ခဲ့ရပါပြီ၊အမိနိုင်ငံဒီမိုကရေစီရရှိရေး
အတွက်သဲတပွင့်အုတ်တချပ်ပမာ ကျရာနေရာကတိုက်ပွဲဝင်နေချိန်မှာ ဖြူစင်တဲ့ချစ်ခြင်းကိုအခြေခံတဲ့နှလုံးသားပိုင်ရှင် ချစ်သူလေးကို
ကျနော်ပိုင်ဆိုင်ခွင့်ရရှိခဲ့ပြီလေ။အိမ်မက်ပန်းခင်းထဲမှာကျနော်ကြည်နူးချမ်းမြေ့မှုတွေတပွေ့တပိုက်နဲ့အခြားတဖက်မှာ ဖြူစင်သန့်ရှင်းတဲ့
ချစ်သူလေးကိုဘ၀ခရီးဖေါ်အဖြစ် အဖေါ်ပြုရင်း လွတ်လပ်မှန်ကန်တဲ့နိုင်ငံရေးအတွေးအခေါ်တွေကိုအခြေတည်ပြီး အသက်၊သွေး၊ချွေး
များစွာစတေးရင်း အမိမြန်မာနိုင်ငံရဲ့သမိုင်းစာမျက်နှာသစ်ကိုဖွင့်ခဲ့တဲ့၊ဖွင့်နေဆဲဖြစ်တဲ့ တိုင်းရင်းသားညီအကိုမောင်နှစ်မများ၏ ၀ိညာဉ်
များနှင့်ထပ်တူကျနော်ဘ၀ ကျနော်အိမ်မက်သည်လည်း သေဆုံးပြီးသည့်အခြားတဖက်ထိ ဆက်လက်တည်ရှိနေဦးမည်ဟု ခိုင်ခိုင်မာမာ
ယုံကြည်မိပါတော့သည်။
မင်းထက်မိုး(ခွတ်ဒေါင်းနီ)

အသက်သွေးတွေလည်း မနည်းတော့ပြီ အာဆီယံ

Monday, March 2, 2009

26-2-2009-ရက်နေ့တုန်းက အမေရိကန်အစိုးရသစ်ရဲ့ နိုင်ငံခြားရေးဝန်ကြီး ဟီလာရီကလင်တန် အင်ဒိုနီးရှားနိုင်ငံကို ခေတ္တခဏအလည်
အပတ်ရောက်ရှိနေခိုက် လက်ရှိအေမေရိကန်အစိုးရသစ်အနေနဲ့ မြန်မာနိုင်ငံရဲ့ပြည်တွင်းရေး ကိစ္စတွေကိုဝင်ရောက်စွတ်ဖက်မှာမဟုတ်
ကြောင်းနှင့် ယခင်အမေရိကန်သမ္မတေ၈ျာ့ဘုရ်ှလက်ထက် မြန်မာနိုင်ငံအပေါ် ထားရှိခဲ့တဲ့နိုင်ငံခြားရေးမူဝါဒများကို ပြန်လည်သုံးသပ်သွား
မည်ဟုထိုင်းနိုင်ငံအခြေစိုက် ထိုင်းနိုင်ငံဆိုင်ရာအမေရိကန်သံအမတ်ကတရားဝင်ထုတ်ဖေါ်ပြောကြားသွားပါတယ်။
တဆက်တည်းမှာပဲ ထိုင်းနိုင်ငံဆိုင်ရာအမေရိကန်သံအမတ်က မြန်မာနိုင်ငံဟာ အာဆီယံအဖွဲ့ဝင်နိုင်ငံတတနိုင်ငံဖြစ်တာကြောင့် အတိုက်
အခံအင်အားစုများနှင့် စစ်အစိုးရကြား ရှေ့မတိုးနောက်မဆုတ်ဖြစ်နေတဲ့ မြန်မာ့နိုင်ငံရေးကိစ္စရပ်များကို အာဆီယံအဖွဲ့ဝင်နိုင်ငံများအနေ နှင့်ကြားဝင် ၀င်ရောက်ဖြေရှင်းဆွေးနွေးပေးမှသာ နိုင်ငံရေးပြုပြင်ပြောင်းလဲမှု လမ်းကြောင်းပေါ်သို့ရောက်ရှိနိုင်မှာဖြစ်ပြီး တိုးတက်မှုတစုံ
တရာရရှိနိုင်မှာဖြစ်တယ်လို့ ၄င်းကထပ်မံပြောကြားသွားပါတယ်။
မြန်မာနိုင်ငံအတွက် အမျိုးသားပြန်လည်ရင်ကြားစေ့ရေး ဒီမိုကရေစီစနစ်ထွန်းကားရေးနဲ့ လူ့အခွင့်အရေးအပြည့်အ၀ရရှိရေး မြန်မာပြည်
တွင်းစစ်တပ်ကအာဏာကို လက်ဝါးကြီးအုပ် အုပ်ချုပ်နေတဲ့ စစ်အုပ်ချုပ်ရေးစနစ်တွေ ရပ်စဲဖို့ငြိမ်းချမ်းသောနည်းနဲ့စေ့စပ်ဆွေးနွေးခြင်းဟာ
အကောင်းဆုံးနည်းလမ်းလို့ နိုင်ငံတကာအသိုင်းအ၀ိုင်းက မှတ်ယူထားသလို နိုင်ငံရေးခေါင်းဆောင်၊ တိုင်းရင်းသားခေါင်းဆောင်တွေက လက်ရှိဖြစ်ပေါ်နေတဲ့ မြန်မာ့နိုင်ငံရေး အရှုပ်အထွေးကို စစ်အစိုးရနဲ့ပြေလည်တဲ့အဖြေတခုရရှိဖို့ စစ်အစိုးရကိုအကြိမ်ကြိမ် ကမ်းလှမ်းခဲ့ပေ
မယ့် စစ်အစိုးရဖက်မှတုန့်ပြန်မှုတစုံတရာ လုံးဝမရှိတာကိုတွေ့မြင်နေကြရပါတယ်၊ အမေရိကန်နိုင်ငံရဲ့ မြန်မာနိုင်ငံအပေါ်မှာ ထားရှိတဲ့နိုင် ငံခြားရေးမူဝါဒ ပြောင်းလဲသွားမှုကို အကောင်းဖက်ကရှုမြင်လို့ရနိုင်ဖို့ အချိန်ကစေလွန်းနေပါသေးတယ်၊ မြန်မာနိုင်ငံဟာ အာဆီယံအဖွဲ့ဝင်
နိုင်ငံဖြစ်တာကြောင့် မြန်မာ့နိုင်ငံရေးပြုပြင်ပြောင်းလဲမှုတစုံတရာဟာ အာဆီယံနိုင်ငံများနဲ့ သက်ဆိုင်နေတယ်ဆိုပေမဲ့ တကယ်တမ်းကြ တော့အာဆီယံနိုင်ငံတော်တော်များများမှာ နိုင်ငံရေးတည်ငြိမ်မှုမရှိသေးတဲ့အဖွဲ့ဝင်နိုင်ငံတွေရှိနေသေးတဲ့အတွက် အာဆီယံရဲ့ တိုက်တွန်းမှုတွေကို မြန်မာစစ်အစိုးရက လုံးဝအလေးမထားမှာသေချာပါတယ်။
ဒီမိုကရေစီစနစ်အပြည့်အ၀ ရှိနေပါတယ်ဆိုတဲ့မြန်မာ့အိမ်နီးချင်း ထိုင်းနိုင်ငံကိုကျနော်တို့အရင်ဦးဆုံး လေ့လာကြည့်စေချင်ပါတယ်၊ လူ့အ ခွင့်အရေးကိုပြည့်ပြည့်၀၀လိုက်နာဆောင်ရွက်နေပါတယ်ဆိုတဲ့ထိုင်းနိုင်ငံမှာ နိုင်ငံရေးမတည်ငြိမ်မှု၊ လူ့အခွင့်အရေးဆုံးရှုံးမှု၊စားနတ်ရိက္ခာ
ငတ်မွတ်ခေါင်းပါးမှု ၊လူနေအိမ်ရာများအတင်းအဓမ္မပြောင်းရွှေ့ခံရမှု၊လက်နက်အားကိုးပြီးနိုင်ထက်စီးနင်းခံရမှု စတဲ့ပြသနာတွေကြောင့်
မြန်မာနဲ့အိမ်နီးချင်းနိုင်ငံတွေကို တရားမ၀င်ဝင်ရောက်ပြီး မိမိတို့ဘ၀လုံခြုံမှုနှင့်အတူ သမုဒ္ဒရာဝမ်းတထွာအတွက် လာရောက်ရုန်းကန်နေကြ
ရပါတယ်၊ကျနော်ပြောချင်တာကတော့ လူ့အခွင့်အရေးကိုရာနှုံးပြည့်လိုက်နာလေးစားပါတယ်ဆိုတဲ့ထိုင်းနိုင်ငံမှာ တရားမ၀င်လာရောက်
အလုပ်လုပ်ကိုင်နေတဲ့ မြန်မာတိုင်းရင်းသားတွေအတွက် ကျန်းမာရေး၊ပညာရေး၊လူမှုရေး၊စတဲ့ လူ့ဘ၀မှာလုံးဝအခြေခံကျတဲ့အခွင့်အရေး
တွေပြည့်ပြည့်၀၀မရရှိတာကိုတွေ့ရှိနေရသလို၊ အလုပ်သမားအခွင့်အရေးတွေကို ထိုင်းလုပ်ငန်းရှင်တော်တော်များများက ချိုးဖေါက်နေမှု
အပေါ်ထိုင်းအာဏာပိုင်တွေနဲ့သက်ဆိုင်ရာအစိုးရအဖွဲ့အစည်းတွေက ဥပေက္ခာပြုပြီး လျစ်လျူရှုနေမှုကိုကြည့်ခြင်းအားဖြင့် ကျနော်တို့တိုင်း
ရင်းသားလူမျိုးတွေအတွက်ကတော့ ကံဆိုးမသွားရာမိုးလိုက်လို့ရွာဆိုသလို ကျားကြောက်လို့ရှင်ကြီးကိုး ရှင်ကြီးကကျားထက်ဆိုးဆိုတဲ့ ကိန်းဆိုက်နေပါတယ်၊ဘာ့ကြောင့်လဲဆိုတော့ ထိုင်းနိုင်ငံရဲ့အရပ်သားအစိုးရနိုင်ငံရေးဟာလည်း စစ်ဗိုလ်ချုပ်တွေကနေ အရပ်ဖက်ကိုအ
သွင်ပြောင်းထားတဲ့ အစိုးရဖြစ်နေလို့ပါပဲ၊မြန်မာစစ်အစိုးရကိုထိုင်းအနေနဲ့ဖိအားပေးတိုက်တွန်းမှုလုပ်နိုင်ပါတယ်၊ဒါပေမဲ့မြန်မာစစ်ဗိုလ်ချုပ်
တွေငြိုငြင်မှာကိုတော့စိုးရိမ်နေပုံရပါတယ်၊ဘာ့ကြောင့်လဲဆိုတော့ နိုင်ငံတကာကမက်မောလောက်စရာကောင်းတဲ့ သဘာဝသယံဇာတအ
ရင်းအမြစ်တွေကို မြန်မာစစ်အစိုးရနဲ့ပလဲနံသင့်ပေါင်းသင်းဆက်ဆံနိုင်မှသာ သူတို့တွေအတွက်အကျိုးစီးပွားရှိလာနိုင်မှာဖြစ်ပါတယ်၊အမေ
ရိကန်အစိုးရသစ်အနေနဲ့ မြန်မာနိုင်ငံအပေါ်ထားရှိတဲ့ နိုင်ငံခြားရေးမူဝါဒပြောင်းလဲလာမှုနှင့် မြန်မာ့နိုင်ငံရေးဟာအာဆီယံအဖွဲ့ဝင်နိုင်ငံတွေ
နဲ့သက်ဆိုင်တယ်ဆိုတဲ့အမေရိကန်အစိုးရရဲ့အမြင်ကိုအဆိုးအကောင်းလို့ကျနော်မှာမြင်နိုင်တဲ့နိုင်ငံရေးအမြင်ကျယ်မှုတော့သိပ်မရှိသေးပါ
ဖူး၊ကျနော်သိတာတခုတော့ရှိပါတယ်၊မြန်မာနိုင်ငံသားတွေအပေါ်မှာထားရှိတဲ့အချို့သောအာဆီယံအဖွဲ့ဝင်နိုင်ငံတွေရဲ့မှန်ကန်တဲ့နိုင်ငံရေး အမြင်၊မြန်မာတိုင်းရင်းသားတွေအပေါ်မှာလူသားချင်းစာနာထောက်ထားတဲ့စိတ်ရှိဖို့လိုအပ်နေပါတယ်၊ဒီမိုကရေစီနှင့်လူ့အခွင့်အရေး
ဟာ မြန်မာနိုင်ငံသားတွေအတွက် အလွန်အရေးကြီးနေပါတယ်အာဆီယံ.......အသက်တွေသွေးတွေလည်းမနည်းတော့ပြီ

အရေးကြီးပြီ ခွတ်ဒေါင်းနီ ရဲဘော်အပေါင်းတို့

Saturday, February 21, 2009

ယနေ့အထိ နအဖ စစ်အစိုးရသည် တွေ့ဆုံဆွေးနွေးရေးကို ကျောခိုင်းလျှက်ရှိပြီး ဖွဲ့စည်းပုံအခြေခံဥပဒေကိုဆွဲကိုင်ပြီး ပြည်သူတရပ်လုံး
အပေါ်ကျွန်ပြုနိုင်ရန်အတွက် ၄င်းတို့၏-Road Map-အတိုင်းအတုအယောင်ညောင်နှစ်ပင်ညီလာခံ(အမျိုးသားညီလာခံ)ကို ဒရွတ်တိုက်
အပြီးသတ်ရေးဆွဲပြီးသွားပြီဖြစ်သလို-၂၀၁၀-တွင်ရွေးကောက်ပွဲကျင်းပနိုင်ရန် ပြင်ဆင်နေပြီဖြစ်သည်၊အမျိုးသားဒီမိုကရေစီအဖွဲ့ချုပ်၊ပြည်
ပရောက်ဒီမိုကရေစီအင်အားစုများနှင့် တိုင်းရင်းသားအင်အားစုများအားလုံးသည် အဓိပါယ်ရှိသောနိုင်ငံရေးစားပွဲဝိုင်းတွင် သုံးပွင့်ဆိုင်နိုင်ငံ
ရေးဆွေးနွေးပွဲကို အမြန်ဆုံးပြုလုပ်သွားရန်တောင်းဆိုမှုများ အကြိမ်ကြိမ်ပြုလုပ်ခဲ့သော်လည်း နအဖစစ်အစိုးရဖက်မှ ထိုတောင်းဆိုမှုကို
ကျောခိုင်းကာ အာဏာရှင်စနစ်ကိုသက်ဆိုးရှည်အောင် ကြံစည်အသက်သွင်းလျှက်ရှိသည်။
၁၉၄၇-ခုနှစ်၊ဖွဲ့စည်းပုံအခြေခံဥပဒေအားနည်းချက်ကြောင့် လွတ်လပ်ရေးသက်တမ်းနှင့်အတူ ပြည်တွင်းစစ်မီးတဆင့်ပြီးတဆင့် တောက်
လောင်လာပြီးအုပ်ချုပ်သူအာဏာရှင်အဆက်ဆက်တို့၏မဟုတ်မမှန်ဝါဒဖြန့်ချီခြင်းများကြောင့် ပြည်သူအများစုသည်ဒီမိုကရေအရေးနှင့်
မိမိတန်းတူရေးအတွက် တရားသောခုခံတော်လှန်သောစစ် ကိုဆင်နွှဲနေကြသောတိုင်းရင်းသားလက်နက်ကိုင်အင်အားစုများကို ခွဲထွက်
ရေးသမားများ၊တိုင်းပြည်ကိုဖြိုခွဲဖျက်ဆီးသူများဟု ယနေ့အချိန်ထိပြည်သူများနှင့်လက်နက်ကိုင်တော်လှန်ရေးအင်အားစုများကြား ၀ါဒ
ဖြန့်ချီမှုများကိုတွင်ကျယ်စွာပြုလုပ်လျှက်ရှိသည်ကို တွေ့ရှိရသည်။
၁၉၈၈-ခုနှစ်ပြည်လုံးကျွတ်ဒီမိုကရေစီအရေးတော်ပုံကြီးတွင် ဖက်ဆစ်အအစအစိုးရသည် ကျောင်းသားလူငယ်၊ရဟန်းရှင်ပြည်သူများအား
ရက်စက်စွာပစ်ခတ်သတ်ဖြတ်ခဲ့ခြင်းကြောင့် ကျောင်းသားလူငယ်၊ရဟန်းရှင်လူ၊ပြည်သူအများအပြား လွတ်မြောက်နယ်မြေသို့ ရောက်ရှိ
လာခဲ့ကြသည်၊နှစ်ပေါင်း(၄၀)ကျော် ဖက်ဆစ်စစ်အစိုးရနှင့်တိုက်ပွဲဝင်လာခဲ့ကြသည့်တိုင်းရင်းသားလက်နက်ကိုင်အင်အားစုများဖြစ်သော
အမျိုးသားဒီမိုကရေစီတပ်ပေါင်းစု(မဒတ)သည်ရောက်ရှိလာကြသော ကျောင်းသားလူငယ်၊ရဟန်းရှင်လူပြည်သူအများစုတို့ကိုစုစည်းကာ
ဒီမိုကရက်တစ်မဟာမိတ်များအဖွဲ့ချုပ်(ဒီအေဘီ)ကိုဖွဲ့စည်းကာ တော်လှန်တိုက်ပွဲဝင်ခဲ့ကြသည်။
၁၉၈၈-ခုနှစ်မှစတင်အခြေတည်မွေးဖွားလာသော မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးလည်း အပါအ၀င်ဖြစ်
ဖြစ်သည်၊တပ်ဦးသည်မြန်မာနိုင်ငံ၏လက်ရှိကြုံတွေ့နေရသောနိုင်ငံရေးပြသနာ၊မြန်မာနိုင်ငံတွင်ဒီမိုကရေစီစနစ်ဆိတ်သုန်းနေမှုများအပေါ်
စစ်အာဏာရှင်စနစ်ဖြုတ်ချရေးအတွက် ရဲရဲတောက်တိုက်ပွဲဝင်နေသည့်တပ်ဦးလည်းဖြစ်သည်၊၂၀၁၀ -ခုနှစ် နအဖစစ်အစိုးရ၏ ပြည်သူအ
များစုလုံးဝလက်မခံနိုင်သော အထွေထွေရွေးကောက်ပွဲကြီးကို ကျင်းပရန်စိုင်းပြင်းနေမှုသည် ခေတ်အဆက်ဆက်အာဏာရှင်စနစ်ကို ယ
ခင်ကထက်ခိုင်မာသထက်ခိုင်မာအောင် အုတ်မြစ်ချဆောက်တည်နေခြင်းအပေါ် တပ်ဦးအနေနှင့်လုံးဝလက်ခံနိုင်မည်မဟုတ်ဟု တထစ်ချ
ထင်မြင်ယူဆသည်၊နိုင်ငံရေးအသွင်ကူးပြောင်းရေးကာလဟု လုံးဝမထင်ပါ၊၂၀၁၀-ခုနှစ်ရွေးကောက်ပွဲကာလကို အခြေခံပြီးတိုက်ပွဲဝင်ရန်
အဆင်သင့်အနေအထားတွင်ရှိနေသင့်ပြီဖြစ်သည်၊ပြည်တွင်းပြည်ပနှင့်တတိယနိုင်ငံရောက် ခွတ်ဒေါင်းရဲဘော်များအနေဖြင့် တိုက်ပွဲဝင်ရန်
ပြင်ဆင်မှုများပြုလုပ်သင့်ပြီ၊အရေးကြီးပြီ ခွတ်ဒေါင်းနီရဲဘော်အပေါင်းတို့။

နေ့စဉ်သုံးဖို့နည်းလမ်းတချို့

Thursday, February 5, 2009

ချစ်သူမိတ်ဆွေတဦးက ပို့ပေးလိုက်တာကို သဘောကျပြီးဘလောက်ပေါ်တင်ပေးလိုက်ပါတယ်၊ဖတ်ကြည့်သူတိုင်းအားလုံးအကျိုးရှိလိမ့်
မယ်လို့ထင်ပါတယ်၊
ကိုယ့်ကိုကိုယ် ဒီကမ္ဘာပေါ်က ဘယ်သူနဲ့မှ နှိုင်းပြီး မယှဉ်ပြိုင်ပါနဲ့။ အဲဒီလို ပြိုင်လိုက်တာဟာ ကိုယ့်ကိုကိုယ် စော်ကားလိုက်တာပါပဲ။
ဘယ်သူမှ သော့တံမရှိတဲ့ သော့ခလောက်ကို မဖန်တီးပါဘူး။ အဲဒီလိုပဲ မြတ်စွာဘုရားကလည်း အဖြေမရှိတဲ့ ပြဿနာကို မပေးပါဘူး။
သင်စိတ်ညစ်နေတဲ့အခါမှာ ဘ၀က သင့်ကိုရယ်တယ်။ သင်ပျော်ရွှင်နေတဲ့အခါမှာ ဘ၀က သင့်ကို ပြုံးပြီးကြည့်တယ်။ သင်သူများတွေကို ပျော်ရွှင်အောင်
လုပ်ပေးတဲ့အခါမှာတော့ ဘ၀က သင့်ကို အလေးပြုတယ်။
အောင်မြင်သူတိုင်းမှာ ပင်ပန်းဆင်းရဲတဲ့ ဇာတ်လမ်းတစ်ပုဒ် ရှိဖူးပါတယ်။ ပင်ပန်းဆင်းရဲတဲ့ ဇာတ်လမ်းတိုင်းမှာလည်း အောင်မြင်တဲ့ဇာတ်သိမ်းတစ်ခုရှိပါတယ်။
လွယ်တာက သူများရဲ့အမှားကို ဝေဖန်အကဲဖြတ်ဖို့ပါ။ ခက်တာကတော့ ကိုယ့်အပြစ်ကို အမှန်အတိုင်း သိမြင်ဖို့ပါ။ ဘယ်သူမှ အတိတ်ကို ပြန်သွားပြီး ဆိုးရွားတဲ့အစကိုပြင်လို့မရပါဘူး။ ဒါပေမယ့်အောင်မြင်တဲ့အဆုံးသတ်ရဖို့ အခုချက်ချင်း စတင်လှုပ်ရှားတာကိုတော့ လူတိုင်းလုပ်လို့ ရပါတယ်။

ပြဿနာတစ်ခုဟာ ဖြေရှင်းလို့ရနိုင်တာဆိုရင် ဘာမှစိတ်ပူစရာ မလိုပါဘူး။ ဖြေရှင်းလို့ မရနိုင်ဘူး ဆိုရင်လည်း စိတ်ပူနေလို့ ဘာများထူးမှာ မို့လို့လဲ။

အခွင့်အရေးတစ်ခုကို ဆုံးရှုံးလိုက်ရပြီဆိုရင် သင့်မျက်လုံးတွေကို မျက်ရည်တွေနဲ့ ပြည့်မနေပါစေနဲ့။ မျက်ရည်တွေက သင့်ရှေ့က ပိုကောင်းတဲ့ နောက်ထပ်အခွင့်အရေးတစ်ခုကို ကွယ်ပစ်လိုက်ပါလိမ့်မယ်။

မျက်နှာကိုပြုပြင်လိုက်တာ (Changing the face) ဟာ ဘာကိုမှ ပြောင်းလဲစေနိုင်မှာ မဟုတ်ပါဘူး။ ဒါပေမယ့် အပြောင်းအလဲကို ရင်ဆိုင်လိုက်တာ (Facing the change) ကတော့ အရာရာကို ပြောင်းလဲသွားစေနိုင်ပါတယ်။

သူများတွေအကြောင်း မကျေမနပ် ညည်းညူမနေပါနဲ့။ ငြိမ်းချမ်းချင်ရင် ကိုယ့်ကိုကိုယ်ပဲ ပြောင်းလဲပြုပြင်လိုက်ပါ။

အမှားတွေက ဖြစ်ပျက်နေတဲ့အချိန်မှာတော့ နာကျင်ပင်ပန်းစေပါတယ်။ ဒါပေမယ့် နှစ်တွေကြာလာလို့ အဲဒီအမှားတွေ စုပေါင်းလိုက်တဲ့အခါမှာတော့ သင့်ကို အောင်မြင်မှုဆီ ခေါ်ဆောင်သွားမယ့် "အတွေ့အကြုံ"ဆိုတာ ဖြစ်လာပါတယ်။

ကျရှုံးတဲ့အချိန်မှာ ရဲရင့်မှုရှိပါ။ အောင်မြင်တဲ့အချိန်မှာ တည်ငြိမ်မှုရှိပါ။

အပူပေးခံထားရတဲ့ ရွှေတွေဟာ အလှဆင်ပစ္စည်းတွေ ဖြစ်လာပါတယ်။ ပြင်းပြင်းထန်ထန် နန်းဆွဲခံထားရတဲ့ ကြေးတွေဟာ ၀ိုင်ယာကြိုးတွေ ဖြစ်လာပါတယ်။ ထွင်းထုခံထားရတဲ့ ကျောက်တုံးတွေဟာလည်း ရုပ်ထုတွေ ဖြစ်လာပါတယ်။ ဒါကြောင့် သင့်ဘ၀မှာ
နာကျင်မှုခံစားရမှုတွေ များလာလေ သင့်ရဲ့တန်ဖိုးတက်လာလေပါ။

နေ့စဉ်သုံးဖို့နည်းလမ်းတစ်ချို့

(၁) လမ်းစကိုတွေ့ပြီဆိုရင် ဘယ်လောက်ဝေးတဲ့ ခရီးပဲဖြစ်ဖြစ် လျှောက်ရမှာ
မကြောက်တော့ ဘူး။

(၂) သစ်ပင်၏ ဦးတည်ရာကို လေက အဆုံးအဖြတ်ပေး၏။
လူ၏ ဦးတည်ရာကို ကိုယ့်ကိုယ်တိုင်က အဆုံးအဖြတ်ပေး၏။

(၃) ၀င်လေထွက်လေ ရှိနေသမျှ မျှော်လင့်ချက် ရှိနေဦးမည်။

(၄) အောင်မြင်ဖို့ရာ မလွယ်ကူပါ။ ထိုအောင်မြင်မှုကို ထိန်းသိမ်းရာ ပိုမလွယ်ကူပါ။

(၅) အသီးအပွင့်များဖြင့် ဝေဆာနေသော သစ်ပင်ကို လူတွေက ခဲနှင့်ပစ်ချချင်ကြသည်။

(၆) ဘ၀မြင့်ခြင်း၏ နောက်တွင် ကျဆုံးခြင်းရှိသည်။ စိတ်ကူးယဉ်သက်သက်၏
နောက်တွင် ဆုတ်ယုတ်ခြင်း ရှိသည်။ ခေါင်းငုံ့တတ်မှသာ ခေါင်းကို
မတိုက်မိနိုင်။

(၇) ကိုယ့်ကိုဝေဖန်ခြင်းဖြင့် အခြားလူ၏ ယုံကြည်မှုကို ရရှိနိုင်သည်။
ကိုယ့်ဂုဏ်ကိုယ် ဖော်ခြင်းက မရနိုင်။

(၈) ကိုယ့်ကို မချစ်မနှစ်သက်တဲ့ လူကို လေးစားပါ။

(၉) သူ့နောက်ကွယ်မှာ သူ့ကောင်းကြောင်းကိုပဲ ပြောပါ။ အဲဒီစကား သူ့ နားဆီ
မရောက်ဘူး ဆိုတာ လုံးဝ စိတ်ချပါ။

(၁၀) တစ်စုံတစ်ယောက်က ကိုယ့်ကို တစ်ခြားလူ မကောင်းကြောင်း လာပြောတဲ့အခါ
ပြုံးပဲနေပါ။

(၁၁) တကယ်လို့ ရုပ်ဆိုးနေတယ်ဆိုရင် ကိုယ့်ကိုတော်အောင် လုပ်ပါ။
မတော်ခဲ့ဘူးဆိုရင် အမြဲပြုံးနေပါ။ ရုပ်ကြောင့် လူကို မမုန်းနိုင်ပါဘူး။

(၁၂) စင်ပေါ်တက် သီချင်းဆိုသူတိုင်းကို လက်ခုပ်တီးပေးပါ။

(၁၃) အချို့ကိစ္စမှာ သိရက်နှင့် မေးသင့်သည်။ ဥပမာ.... လက်စွပ်လေးက
သိပ်တန်ဖိုးရှိမှာပဲနော်။ အချို့ကိစ္စမှာ မေးချင်သော်လည်း မမေးသင့်ပေ။
ဥပမာ.. အသက်ဘယ်လောက်ရှိပြီလဲ။

(၁၄) စကားများတော့ အမှားများသည်။ လူများသောနေရာတွင် စကားကို နည်းနည်းပဲ ပြောပါ။

(၁၅) "မ"သိဘူး၊ "မ"လုပ်ဘူး၊ "မ"ရဘူး၊ "မ"တတ်ဘူး ဆိုတဲ့ "မ"နေရာမှာ
"ကြိုးစားကြည့်မယ်" "သိပ်မသေချာဘူး" "အချိန်အနည်းငယ်ပေးပါ"
"ဆုံးဖြတ်ပြီးမှ အကြောင်းပြန်လိုက်မယ်" လို့ ပြောင်းသုံးကြည့်ပါ။

သဲနှင့်ကျောက်

Thursday, January 22, 2009

သဲ နှင့် ကျောက်တုံး

တနေ့သောအခါ လူငယ်လေး သူငယ်ချင်း နှစ်ယောက် ဟာ သဲကန္တာရ တခုကို ဖြတ်ပြီး
လှမ်း လျှောက် ခရီး ထွက်လာကြ တယ်။ ခရီး တနေရာ အရောက် မှာ သူတို့နှစ်ယောက်
ဟာ စကားများ ပြီး ရန်ထဖြစ် ကြတော့ တယ်။ အဲဒီလို ဖြစ် ကြ တဲ့အခါမှာ
သူငယ်ချင်း တယောက်က နောက်တယောက်ရဲ့ ပါး ကို ထ ထိုး လိုက် တယ်။ အထိုးခံ
ရတဲ့ လူငယ်လေးဟာ တော်တော်လေး နာသွား ပြီး စကားဘာမှ ပြန်မပြောဘဲ သူဟာ
သဲပြင်ပေါ်မှာ ဒီ လို ရေး ချ လိုက် တယ်။ " ယနေ့ ငါ့အခင်ဆုံး သူငယ်ချင်း
င့ါကိုထိုး၏။ "
အဲလိုနဲ့ သူတို့နှစ်ယောက်ဟာ သဲကန္တာရ မှာ ရှိ တဲ့ စိမ်း လန်း စိုပြေပြီး
မြေသြဇာ ကောင်း တဲ့ နေ ရာ ကို ရောက်တဲ့အထိလှမ်း ဆက် လျှောက် လာ ကျ ပြီး၊
အဲဒီမှာ ခြေ လက် သန့် စင် တ ထောက် နားဘို့ ဆုံးဖြတ် လိုက် ကြတယ်။ အဲဒီ
မှာ အထိုး ခံရ တဲ့ လူငယ် လေး ဟာ အခန့် မ သင့် ဘဲ နွံ နှစ်ပြီး နွံထဲ က
ရုန်း မထွက်နိုင်ဘဲ သေလုမြောပါး ဖြစ် နေခဲ့ တယ်။ ထိုး လိုက်တဲ့
သူငယ်ချင်းက သေမယ့် ဘေး က ကယ်လိုက်ပြန်တယ်။ သေဘေး ကလွှတ်လာပြီး ပုံမှန်
အနေ အထား ကိုရောက်လာတဲ့ အခါ မှာ၊ သူဟာ ကျောက်တုံး ကြီး တစ်ခု ပေါ်မှာ
နောက်တ ဖန် ရေး လိုက် ပြန်တယ်။ " ယနေ့ ငါ့ အခင်ဆုံး သူ ငယ် ချင်း ငါ့
အသက် ကို ကယ်ခဲ့၏။ "
အဲဒီလက် သီး နဲ့ ထိုး လဲ ထိုး၊ ကယ်လဲကယ် ခဲ့ တဲ့ သူငယ်ချင်း က မေး
လိုက်တယ်။" ငါ မင်း ကို နာကျင်အောင် လုတ်တဲ့ အခါတုန်း က မင်း ဟာ
သဲပြင်ပေါ်မှာ ရေး ခဲ့တယ်။ အခု လဲ မင်း ရေး ကျောက် တုန်း ပေါ်မှာ ရေး
ပြန်ပြီး။ ဒါ တွေဟာ ဘာ ကြောင့်လဲ။"
သူ့ သူငယ်ချင်း က သူ့ကို ဒီလို ပြန် ဖြေ ခဲ့တယ်။ " သူငယ်ချင်း ရေ...
တစုံတယောက် က မင်း ကို နာကျင် အောင် ပြုလုပ်တဲ့ အခါမှာ၊ မင်း ရဲ့
တုန့်ပြန် မှုတွေက ခွင့်လွှတ်ခြင်း တွေ ပါတဲ့ လေ ရဲ့ပယ်ဖျက်ခြင်း
ကိုခံရမယ့် သဲပြင် ပေါ်မှာ ရေး ထား တဲ့ စာ သား တွေ လို မင်း လဲ ဘဲ သူတို့
မကောင်း တာ တွေ ကို လေ တွေ လို အ လွယ် တ ကူ ပြယ် ဖျက် သင့်တယ်။ ဒါပေ မယ့်
တစုံတယောက် က မင်း ကို ကောင်း တာ တွေ လုပ် ပေး တဲ့ အခါမှာ တော့ လေ တွေ အ
လွယ် တကူ မ ဖျက်နိုင်တဲ့ ကျောက်တုံး ပေါ်မှာ မင်း မှတ်တမ်း တင် ရေး သား
ထား သင့်တယ်။"

(အဲဒီလို ဘဲ ကျွန်တော်တို့ ရဲ့ နာကျင်မှု့တွေ နဲ့ နာ ကျည်း မှု့တွေ ကို သဲ
ပေါ်မှာ ရေး ထား တဲ့ စာ တွေ လို ဘဲ ရေး တတ်အောင် ကြိုး စား သင့်သလို
ကျွန်တော်တို့ အတွက်ကောင်း ကျိုး ဖြစ် စေမယ့် အ ရာတွေကို တော့ ကျောက်တုံး
တွေပေါ်မှာ မှတ်တမ်း တင် ကြရအောင် လား ဗျာ။ )

ဒီအကြောင်း လေး ကို တော့ တော်တော်များ များ သိကြ ဖတ်ဖူးကြ မယ်လို့ထင် ပါ
တယ်။ အနှစ်သာရ အရမ်း ရှိတဲ့အကြောင်း ပါ။ ဒါကြောင့်ဘာသာပြန်ပြီး ဝေမျှ
ခြင်း သက်သက် တာဖြစ် ပါတယ်။