Saturday, October 11, 2008
သူ့ကိုကျနော်နံမည်သာ ကြားဖူးသည်၊ အပြင်မှာလူချင်းတော့ တခါမှမဆုံဖြစ်ကြ၊ ချင်းမိုင်မှာရိုက်တဲ့ ရမ်ဘိုကားအတွက် မြန်မာစစ်ဗိုလ်လုပ်ဖို့် လူရွေးရာမှာ (၈၈)ကခွတ်ဒေါင်းနီ ရဲဘော်နှစ်ဦးကို ရမ်ဘို(စတားလုံး) ကရွေးချယ်လိုက်တယ်ဆိုတဲ့ သတင်းကိုကြားလိုက်ရတော့ ကျနော်ဝမ်းသာမှုတွေ အများကြီးနဲ့ ပီတိဖြစ်မဆုံး ၊ ဘာ့ကြောင့်လဲဆိုတော့ ရမ်ဘိုကားက ကျနော်တို့နဲ့ နှစ်(၂၀)လုံးလုံး ရန်ဖြစ်နေရတဲ့ မြန်မာစစ်အစိုးရနဲ့ ပတ်သက်နေတယ်လေ၊ ရမ်ဘို (စတားလုံး)နဲ့ မြန်မာစစ်အစိုးရစစ်တပ်တို့ သူသေကိုယ်ကြေ(ရုပ်ရှင်ထဲမှာ) နွှဲမယ့်ပွဲလေ၊ မြန်မာစစ်ဗိုလ်အဖြစ် သရုပ်ဆောင်မည့် ကျနော်တို့ကျောင်းသား တပ်မတော်ကရဲဘော်လည်းဖြစ် ဗဟိုကော်မီတီလည်းဖြစ်တဲ့ ကိုမင်းဌေးနဲ့ကိုအောင်ကိုဆိုတော့ ကျနော်အရမ်းကို စိတ်ဝင်စားသွားတယ်၊ ဂုဏ်ယူလည်းမဆုံးဖြစ်မိတယ်၊ ၂၀၀၇ ခုနှစ်ကျနော် ထိုင်းနိုင်ငံ ကန်ချနဘူရီခရိုင် စန်ခမြို့ ထိုင်းမြန်မာနယ်စပ်အနီးမှာ ဖွင့်လှစ်ထားတဲ့ သောပ ဒုက္ခသည်စခန်းမှာရှိနေချိန် သူတာဝန်နဲ့ ဆင်းလာမယ်ဆိုတဲ့သတင်းကို ကျနော်တို့ကျောင်းသား တပ်မတော် တပ်ရင်း(၁)က ရဲဘော်သန်းအောင် (ပေါင်မုန့်)ဆီက နေတဆင့် အဆင်ပြေချင်တော့ ကျနော် သိခွင့်ရလိုက်ပါတယ်၊ ကြားလိုက်ရတဲ့သတင်းအ တိုင်းသူတို့နှစ်ဦး တပ်ရင်း(၁)ကို ရောက်လာပါတော့တယ်၊ ပြီးတော့ဒုက္ခသည် စခန်းမှာရှိနေတဲ့ ရဲဘော် ဟောင်းတွေနဲ့လည်း ဆုံချင်တယ်ဆိုတော့ နဂိုလ်ကတည်းက သူနဲ့တွေ့ချင်နေတဲ့ ကျနော်အတွက် အဆင် ပြေပြီပေါ့၊ တကယ်လည်း တွေ့ခွင့်ရလိုက်ပါတယ်၊ ပျော်ပျော်နေတတ်တဲ့ သူနဲ့ကျနော် အရမ်းကိုခင်မင်သွားပါ တော့တယ်၊ သူရဲ့တော်လှန်ရေး အပေါ်ထားရှိတဲ့ ခွတ်ဒေါင်းမာန်စိတ်ဓါတ်ကို ပိုပြီးလေးစားမိတယ် ၊သူတို့နှစ် ဦးကိုလေးစားမိတဲ့ ကျနော်ခမျာ ဒုက္ခသည်စခန်းထဲမှာ မွေးထားတဲ့ ကျနော်ရဲ့ ကြက်ကလေးတွေလည်း ရှောက်ပေါင်းနဲ့အတူတူ အိုးထဲကို တစ်ကောင်ပြီး တစ်ကောင်ပါသွားပါတော့တယ်၊ လေးစားပါတယ် ရဲဘော်။
ကိုမင်းဌေးနဲ့ကိုအောင်ကို တို့နှစ်ဦးအား တပ်ရင်း(၁)ဘားတိုက်အမှတ်တရ
0 Comments:
Post a Comment